சர்வதேச நீதிமன்றத்தின் தீர்ப்புக்கு பிரதமர் நரேந்திர மோடி வரவேற்பு ||
#சர்வதேச_நீதிமன்றம்
#மோடி #CaptainNews | #TamilNews
குல்பூஷண் ஜாதவ் விவகாரத்தில் சர்வதேச நீதிமன்றத்தின் தீர்ப்பை வரவேற்பதாக பிரதமர் நரேந்திர மோடி தெரிவித்துள்ளார்.
இந்திய கடற்படை முன்னாள் அதிகாரி குல்பூஷண் ஜாதவ், இந்தியாவுக்காக உளவு பார்த்ததாகக்கூறி கடந்த 2016ம் ஆண்டு பாகிஸ்தானில் கைது செய்யப்பட்டார். இதனையடுத்து ஜாதவிற்கு பாகிஸ்தான் ராணுவ நீதிமன்றம், கடந்த 2017ம் ஆண்டு ஏப்ரல் மாதம் மரண தண்டனை உத்தரவிட்டது. ஜாதவிற்கு விதிக்கப்பட்ட மரண தண்டனையை எதிர்த்து இந்தியா அதே ஆண்டு மே மாதம் சர்வதேச நீதிமன்றத்தை நாடியது. வழக்கை ஏற்ற சர்வதேச நீதிமன்றம், குல்பூஷண் ஜாதவிற்கு விதிக்கப்பட்ட மரண தண்டனைக்கு தடை விதித்தது.
இதை எதிர்த்து, நெதர்லாந்து நாட்டில் உள்ள, தி ஹேக் நகரில் செயல்படும் சர்வதேச நீதிமன்றத்தில், இந்தியா வழக்கு தொடர்ந்தது. இரு தரப்பு வாதங்களை விசாரித்த சர்வதேச நீதிமன்றம், குல்பூஷண் ஜாதவைத் தூக்கிலிட தடை விதித்ததுடன், குல்பூஷனுக்கு விதிக்கப்பட்ட மரண தண்டனையை பாகிஸ்தான் அரசு மறு ஆய்வு செய்ய வேண்டும் என்றும் உத்தரவிட்டது.
இந்நிலையில், குல்பூஷண் ஜாதவ் தீர்ப்பு குறித்து தனது ட்விட்டர் பக்கத்தில் பதிவிட்டுள்ள பிரதமர் மோடி, சர்வதேச நீதிமன்றம் வழங்கிய தீர்ப்பை வரவேற்பதாக தெரிவித்துள்ளார். சத்தியமும் நீதியும் மேலோங்கியுள்ளதாகவும், உண்மைகளை விரிவாக ஆய்வு செய்ததன் அடிப்படையில் தீர்ப்பளித்த சர்வ தேச நீதிமன்றத்திற்கு வாழ்த்துக்கள் என்றும் தெரிவித்துள்ளார். இந்தியர் அனைவரின் பாதுகாப்பு மற்றும் நலனுக்காக அரசு எப்போதும் செயல்படும் என்றும் தனது டிவிட்டர் பதிவில் பிரதமர் குறிப்பிட்டுள்ளார். இதேபோல், சர்வதேச நீதிமன்றத்தின் தீர்ப்பு, இந்தியாவுக்கு கிடைத்த வெற்றி என முன்னாள் வெளியுறவுத் துறை அமைச்சர் சுஷ்மா ஸ்வராஜ் தெரிவித்துள்ளார். இதுதொடர்பாக தனது ட்விட்டர் பக்கத்தில் இந்த விவகாரத்தில் உரிய நடவடிக்கை எடுத்த பிரதமர் மோடிக்கு மற்றும், வழக்கறிஞர் ஹரிஷ் சால்வேவிற்கும் நன்றி தெரிவித்துக்கொள்வதாகவும் அவர் குறிப்பிட்டுள்ளார்.
Like: https://www.facebook.com/Captainnewstv
Follow: https://twitter.com/captainnewstv
Web: http://www.captainnews.net
சர்வதேச நீதிமன்றத்தின் தீர்ப்புக்கு பிரதமர் நரேந்திர மோடி வரவேற்பு இந்தியாவின் புதுச்சேரியிலிருந்து | |
| 5 Likes | 5 Dislikes |
| 44 views views | 133K followers |
| News & Politics | Upload TimePublished on 18 Jul 2019 |
Không có nhận xét nào:
Đăng nhận xét